Posyandu Lansia

Sinopsis Cerkak

Posyandu Lansia

Crita sing nduweni irah-irahan “Posyandu Lansia” nyritakake babagantemu kaluwargane Bu Lestari marang Pak Adi. Critane dumadi wiwit  Bu Tari didadekke pengurus posyandu lansia ing dhesane. Mbok manawa merga Bu Tari pensiunan pegawe kantor, dheweke langsung diamanati supaya dadi pengurus.

Kedadeyan temu marang Pak Adi iku uga nalika posyandu. Nalika Bu Tari ndaftari sapa-sapa sing melu posyandu, dheweke weruh Pak Adiuga melu posyandu. Ananging sapa Pak Ari kuwi dheweke ora ngerti, mergane durung nate tepangan. Bu Tari ujug-ujug nduweni rasa sengsem sawise dheweke micara marang Pak Adi sing lagi ngadhep marang dheweke. Semana uga Pak Adi, dheweke gugup ana ing sangarepe Bu Tari. Sakloron padha ngrasa sengsem ananging tetep njaga kawibawane dhewe-dhewe.

Amarga Bu Tari pengen ngerti, banjur dheweke takon-takon marang kanca posyandune. Kanca-kancane sing uga ora ngerti iku malah banjur padha ngguyoni Bu Tari. Bu Tari sansaya kaget lan penasaran nalikane dina Minggu esuk dheweke ketemu Pak Adi sing lagi resik-resik pekarangan omahe Pak Hardi. Bu Tari sansaya pengen ngerti sejatine Pak Adi iku sapane Pak Hadi. Amarga uwis ora bisa di empet maneh, banjur dheweke marani Pak Adi sanalika iku. Bu Tari banjur lega atine sawise krungu yen Pak Adi iku sejatine putrane Pak Hadi sing nomer loro. Nalika wiwit umur setaun, Pak Adi diopeni karo budhene ing Semarang, iku sing ndadekke Bu Tari durung tau tepangan karo Pak Adi. Suwi banget angone padha micara, nganti saklorone padha raket banget kaya ana hubungan khusus ing antarane.

Bu Tari lan kabeh anak-anake padha sowan ing omahe Pak Adi. Tujuane supaya kanggo nyambung paseduluran. Kaluwargane Pak Adi uga nyambut kanthi ati bungah. Nganti anak-anake Pak Adi uga padha saruju manawa bapakne nduweni ibu anyar. Anak-anake Bu Tari uga saruju, amarga kepengin nduweni bapak anyar kanggo ngganteni bapakne sing wis seda. Sawise ditareni mangkono, Bu Tari gusar atine. Dheweke pancen wis nduweni rasa tresna marang pak Adi. Wis ana sing bisa ngganteni pacangane sing mbiyen. Wis ana sing bisa ndadekake atine seneng sawise ditinggal bojone. Ananging ing sisi liya, dheweke ora gelem nglilakke bojone senajan wis seda. Dheweke ora bisa ninggalake kenangan karo swargi bojone. Kaya-kaya dheweke ngrasa dosa yen arep rabi maneh.

Senajan Bu Tari ora bisa nanggapi kekarepane Pak Adi sakaluwarga, ananging dheweke lan anak-anake tetep bisa njaga silaturahmi. Anak-anake Pak Adi wis nganggep Bu Tari iku dadi Ibune dhewe. Saben liburan anak-anake Pak Adi mesthi mara ning omahe Bu Tari.

Kapendhet saking Panjebar Semangat Kaanggit dening Muawanah